Mu gy’amasomero e Jinja;

JIPRA 3-0 Mpumudde High

Wairaka Modern 1-1 Honest Hill

Buwenge modern 0-6 JIPRA

JIPRA 3-0 Wairaka Modern

JIPRA 3-0 Buwenge College

Honest Hill 0-1 JIPRA

JIPRA 1-0 Busedde College

Jinja SS 1-0 Good Heart

Jinja SS 3-0 Pilkington college

Jinja SS 3-0 Busedde Seed

Jinja SS 0-0 Jinja College

Masese seed 0-3 Jinja SS

Ekibinja A:

Jinja SS 16 obubonero

Jinja College 12

Ekibinja H:

JIPRA 18 obubonero

Wairaka Modern 11

OLUTALO lw’emipiira gy’okusirisizaawo egy’amasomero ga siniya gyongedde okukwata akati mu bitundu by’e Jinja. JIPRA (Jinja Progressive SS) ne lya Jinja SS zaayiseemu oluvannyuma lw’okuwangula ebibinja mwe zaabadde.

JIPRA yakulembedde ekibinja H, bwe yakukumbye obubonero 18 mu mipiira 6 gye yazannye ate n’emalako nga teteebeddwaamu.

JIPRA yateebye ggoolo 15 n’eddirirwa Wairaka Modern. “Twazannye twegendereza ku mulundi guno era kino kijja kutuyamba okwekkiririzaamu,” Mike Ssebaggala, omutendesi wa JIPRA bwe yagambye oluvannyuma lw’okuyitawo mu mipiira egyazannyiddwa ku kisaawe kya Wairaka College.

Ku kisaawe kya Jinja College, bannantameggwa aba Jinja SS nabo baakulembedde ekibinja A n’obubonero 16. Jinja SS yawangudde emipiira 5 mu kibinja n’eremagana (0-0) n’abategesi aba Jinja College abaamalidde mu kyokubiri n’obubonero 12.

Ku fayinolo y’omwaka oguwedde, Jinja SS yakuba JIPRA (4-3) mu peneti oluvannyuma lwa ttiimu zombi okulemagana (0-0).