“Tuli basanyufu okulaba ng’abazannyi baffe batandise okussa mu nkola obukodyo obupya bwe tubawa,” .. Egimu ku gya liigi ya Eastern egyazanyiddwa:

Black Panther 0-1 Busia United

Busia Homeboys 0-0 Admin FC

Mbale Garage 1-3 Busia Young

MYDA 2-2 IUIU

JMC Hippos 3-0 Mpumudde FC

Iganga young FC 2-0 Busei

Budondo 1-2 Kigulu

Allidina FC 0-2 Bugiri De School

Oh Yes 1-0 Bwondha 

Sky sports 1-1 Busia Fisheries

ABAWAGIZI b’omupiira mu bisaawe eby’enjawulo baavudde mu bisaawe nga basanyufu olwa ggoolo ezaayiise nga amazzi mu Eastern Regional League.

Ku kisaawe e Kakindu, ggoolo za Arthur Nabbongo, Farouk Magumba ne Sharif Mento zaayambye JMC Hippos FC okuwuttula Mpummudde FC (3-0). Jinja Hippos yafunye obuwanguzi obwokubiri mu mipiira 6 gye yaakazannya mu liigi eno n’efuna essuubi ly’okwesogga Big League.

“Tuli basanyufu okulaba ng’abazannyi baffe batandise okussa mu nkola obukodyo obupya bwe tubawa,” Joseph Kigobe omutendesi wa JMC Hippos FC bwe yagambye.

Mu gyazanyiddwa ku kisaawe kya Iganga Ssaza Ground, ggoolo za Jamiru Mukungu ne Ali Kiyemba zaayambye Iganga Young FC okukuba Busei FC (2-0) ne beesogga ekifo ekyokubbiri n’obubonero 12.

Kigulu FC y’ekulembedde n’obubonero 13 oluvannyuma lw’okujoogera Budondo FC omwayo n’egikuba (2-1).

Wabula Admin FC y’ekulembedde ekibinja kya Bukedi n’obubonero 17 oluvannyuma lw’okulemagana (0-0) ne Busia Home Boys.