Abakungu ba ttiimu y’Essaza lya Busiro batekateeka kutambuza kikopo kye baawangudde bwe baakubye Buddu {2-1} ku fayinolo y’empaka z’Amasaza ku Lwomukaaga.

Busiro ekyagenda mu maaso n’okujaguza,bategese okutambuza ekikopo kino  mu bakungu n’ebitundu by’essaza lino eby’enjawulo n’ekigendererwa:okubeebaza olw’okubawa obuwagizi.

‘’Tutegeka kusookera wa Ssaabasumba w’Essaza Ekkulu erya Kampala,Paul Simwogerere ekikop tukimwanjulire kuba yatusabira omukisa okukiwangula,’’ omu ku bakungu ba Busiro bwe yategeezezza.

Bannabusiro basuubira n’okugendako ku distrulikiti e Wakiso okwanjulira ssentebe wa distrulikikti eno, Matia Lwanga Bwanika ekikopo kino eno gye banaava okugenda ku kisaawe ky’ennyonyi  e Ntebe  nabo babanjulire ekikopo kuba babadde bamu ku bavujjirizi ba ttiimu eno.

Mu ngeri y’emu,basuubira okukitwalako ewa  Katikkiro Peter Mayiga mu Bulange e Mmengo {wabula Katikkiro asula Lweza mu Makindye Saabagabo mu ssaza lye Kyaddon do ate ng’asibuka mu Buddu.