Abaayogerera Christiano Ronaldo nti aweddemu oliuvannyuma lw’okwolesa omutindu ogw’ekibogwe mu World Cup y’e Qatar omwaka oguwedde ayongeddeokubikaliza ku mimwa.

Yaduumidde n’okuteeba ggoolo bbiri nga Portugal efuntula Bosnia {5-0} ku bugenyi ku Mmande.

Ensiike yabadde ya kusunsula abalyetaba mu mpaka za Bulaaya {Euro} ez’omwaka ogujja e Girimaani.

Ronaldo 38, yafuuse omuzannyi akyasinze okuteeba omwaka guno {ggoolo 40} nga 31 aziteebedde Al Nassr FC eya Saudi Arabia ate endala 9 mu Portugal.

Yaakazannyira Portugal empiira 203 ne ggoolo 127 okuva mu 2003.